Финансии / Банкарство
ГЕРМАНЦИТЕ ВЕРУВААТ ДЕКА ИНФЛАЦИЈАТА ИЗНЕСУВА 15 ОТСТО, ШТО Е МНОГУ ПОВЕЌЕ ОД РЕАЛНАТА СТАПКА
15.02.2025
Германските граѓани веруваат дека инфлацијата е многу повисока од официјалната стапка, покажа истражувањето на Германскиот економски институт, спроведено во декември. Две третини од потрошувачите во Германија веруваат дека цените на храната се зголемиле „нагло“ во изминатата година.
Податоците од Федералниот завод за статистика покажуваат дека цените на храната всушност пораснале во просек за само 1,9 отсто во 2024 година.
- Цените силно се зголемија во 2023 година, но не и во 2024 година. Сепак, во перцепцијата на потрошувачите, тие повторно значително се зголемија, вели авторот на студијата Матијас Диермаер.
Многу од анкетираните граѓани не „признаваат“ дека инфлацијата е забавена и процениле дека општата стапка на инфлација на 15,3%, многу повисока од реалната стапка од 2,2%. Ова се објаснува со влијанието на бранот на високи цени по пандемијата на коронавирус и руската инвазија на Украина, кое се одразува на перцепцијата на германските гласачи.
- Нашата студија покажува дека поддржувачите на маргиналните партии немаат доверба во официјалната статистика, рече Диермаер.
Потрошувачките цени во Германија се зголемија во просек за 19,3% помеѓу 2020 и 2024 година.
Сепак, цените на клучните стоки поскапеле многу повисоко, како што се топлинската енергија (50,3%), горивата како дизелот и бензинот (41%) и храната (32,8%), пренесува „Сеебиз“.