Финансии / Банкарство
ЧЕТИРИТЕ НАЈГОЛЕМИ ЦЕНТРАЛНИ БАНКИ БАРААТ „ПОЕДНОСТАВУВАЊЕ“ НА БАНКАРСКИТЕ ПРАВИЛА ВО ЕУ
18.02.2025
Централните банки на најголемите економии во Европската Унија (Германија, Франција, Италија и Шпанија) во заедничкиот документ испратен до Европската комисија побараа да се намали регулативата и да се поедностават банкарските правила за да можат европските финансиски институции поуспешно да се соочат со меѓународната конкуренција.
Банкарите бараат сеопфатна анализа која може да помогне во обезбедување на „еднакви услови за игра“ со другите финансиски регулативи, наведуваат гувернерите на централните банки.
Анализата ќе послужи да се идентификуваат областите во кои европската рамка е „неоправдано сложена“ и која може да создаде нарушување на конкуренцијата на меѓународно ниво, без тоа да има влијание на финансиската стабилност, посочуваат од четирите најголеми централни банки во ЕУ.
Изборот на американскиот претседател Доналд Трамп ги охрабри финансиските раководства во светот за да бараат укинување на голем број на прописи кои се воведени по финансиската криза во 2008 година.
Гувернерите на европските централни банки тврдат дека не повикуваа на дерегулација, но сметаат дека нивниот повик ќе им послужи на некои политичари кои тврдат дека сложените банкарски правила го ограничуваат економскиот раст, пренесува РТВ.
фото freepic