Финансии / Банкарство
ЦЕНИТЕ НА ЦИГАРИТЕ ВО СРБИЈА ТРЕБА ДА ДОСТИГНАТ ЕВРОПСКО НИВО
19.02.2025
Владата на Србија неодамна усвои нови износи на акциза искажани во динари, а кои се усогласени со годишниот индекс на потрошувачки цени во 2024 година, за различни акцизни производи - нафтени деривати, алкохол, кафе, цигари, тутунски производи, течности за е-цигари, никотински ќесички и природен гас за финална потрошувачка.
Според новите усогласени износи, акцизата на увозните и домашно произведените цигари од 1 јануари изнесува 103,65 динари по кутија, а од 1 јули ќе се зголеми на 105,40 динари. Акцизата на никотинските кесички скокна од 4.842 на 5.050,21 динари за килограм.
Формирањето на цените на цигарите на српскиот пазар зависи од неколку клучни фактори. Цената на цигарите се состои од специфична акциза - фиксен износ(кој во моментов постепено се зголемува според акцизниот календар), пропорционална акциза - поточно, процент од малопродажната цена, која моментално изнесува 33%, и ДДВ (20%), кој се пресметува на основната цена зголемена за акцизата.
Малопродажните цени ги одредуваат производителите и увозниците на цигари. Србија спроведува акцизен календар, според кој акцизите за тутунските производи постепено се зголемуваат за да го достигнат минималното ниво на Европската Унија (90 евра за 1.000 цигари). Според актуелниот акцизен план, Србија се очекува да го достигне минималниот праг на ЕУ до крајот на оваа година, објави „Екапија“.
фото freepic