Lifestyle
ЕВРОПА „СТАРЕЕ“, НАЈМНОГУ ОСТАРЕЛО НАСЕЛЕНИЕТО ВО ДВЕ МЕДИТЕРАНСКИ ЗЕМЈИ
21.02.2025
Демографските промени укажуваат на растечки тренд на стареење на населението во Европската Унија, просечната возраст е зголемена за повеќе од две години од 2014 година. Грција и Италија се меѓу најбрзо старечките општества, покажува истражувањето на Евростат.
Просечната возраст на населението во Европската Унија достигна 44,7 години на 1 јануари 2024 година. Тоа значи дека половина од граѓаните на ЕУ се постари, а половина се помлади од оваа возраст. Во однос на 2014 година, кога просечната возраст беше 42,5 години, е забележан пораст од 2,2 години.
Најголем пораст на средната возраст од 2014 година е забележан во Грција, Италија, Португалија и Словачка, каде населението е во просек четири години постаро.
Малта и Германија се единствените земји каде средната возраст е благо намалена, што делумно се припишува на миграциските текови и повисокиот наталитет.
Податоците покажуваат дека има разлика во структурата на домашното и мигрантското население. Просечната возраст на граѓаните родени во ЕУ е 45,1 година, додека таа е нешто пониска за жителите родени во странство и изнесува 43,1 година. Странските државјани се доминантно застапени во работната возрасна група од 20 до 54 години, што го забавува темпото на стареење на европското население, пренесува „Бизлаив“.
фото freepic