Финансии / Банкарство
БАНКА ВО СИНГАПУР ЌЕ НАМАЛИ 4.000 РАБОТНИ МЕСТА ПОРАДИ ВЕШТАЧКА ИНТЕЛЕГЕНЦИЈА
26.02.2025
Најголемата банка во Сингапур најави намалување на на 4.000 работни места во следните три години, бидејќи вештачката интелигенција (ВИ) презема се повеќе и повеќе работни места кои моментално ги извршуваат луѓе.
- Намалувањето на работната сила ќе се случи преку природен одлив на работници, бидејќи привремените и договорните работни места ќе престанат во текот на следните години, изјави портпаролот на ДБС за Би-Би-Си.
Очекувањата се дека со ова намалување нема да бидат засегнати работниците на неопределено време.
Банката планира да отвори околу 1.000 нови работни места поврзани со вештачката интелигенција, изјави Пијуш Гупта, извршен директор на банката во заминување.
Минатата година Гупта рече дека ДБС работи на вештачка интелигенција повеќе од една деценија.
Ова ја прави ДБС една од првите големи банки што објави детали за тоа како вештачката интелигенција ќе влијае на нејзиниот бизнис.
Компанијата не соопшти колку работни места ќе бидат укинати во Сингапур или кои позиции ќе бидат засегнати од одлуката.
Во ДБС моментално има меѓу 8.000 и 9.000 привремени работници и работници на договор. Банката вработува околу 41.000 луѓе.
Меѓународниот монетарен фонд (ММФ) објави во 2024 година дека вештачката интелегенција ќе влијае на речиси 40 проценти од сите работни места ширум светот.
- Во повеќето сценарија, вештачката интелигенција веројатно ќе ја влоши севкупната нееднаквост, рече Кристалина Георгиева, извршен директор на ММФ, објави Би-Би-Си.
фото freepic