Последните активности на инспекторите на Даночната управа покажаа поразителни податоци за бизнисот во Федерацијата Босна и Херцеговина.

Даночната управа за два дена извршила 496 контроли на територијата на ФБиХ, во кои биле опфатени даночни обврзници кои се занимаваат со трговија, угостителство, приредување игри на среќа преку обложување, месарници, пекари и други услужни дејности.

Извештајот за акцијата покажува дека од вкупно 496 контролирани даночни обврзници, дури 40% од нив  работат незаконски, што значи дека нивното работење не е усогласено со законите кои важат во Федерацијата БиХ.

Поради констатираните неправилности: ангажирање непријавени работници, работење без одобрение од надлежен орган, неевидентирање на промет преку фискален уред и отсуство на вграден фискален уред, запечатени се 47 објекти и издадени прекршочни наредби во 196 контроли со вкупна глоба од 497.000 КМ, пренесува „Бизнис.ба“.

фото freepic