Финансии / Банкарство
РУСИЈА ГИ ЗГОЛЕМУВА ИНВЕСТИЦИИТЕ ВО ЗЛАТНИ РЕЗЕРВИ
08.03.2025
Вредноста на златните резерви на Русија во февруари достигна рекордни 217,4 милијарди долари, а нејзиниот удел во резервите за прв пат овој век надмина една третина, покажуваат податоците на Централната банка.
Руските инвестиции во злато се зголемија за 5,3 отсто во февруари, достигнувајќи рекордни 217,4 милијарди долари, соопшти Централната банка. Претходниот максимум беше во октомври 2024 година, кога вредноста на златните резерви за прв пат надмина 200 милијарди долари.
Учеството на златото во руските средства се зголеми на 34,4 отсто во споредба со 33,3 отсто еден месец порано. Ова е највисока бројка од октомври 1999 година, кога уделот на благородниот метал беше 39,7 отсто, иако неговата вредност во тоа време беше само 4,7 милијарди долари.
Максималното учество на златото од 56,9 отсто е забележано на 1 јануари 1993 година, а минималното - од 2,1 отсто, е забележано во јуни 2007 година.
Централната банка соопшти дека вредноста на руските меѓународни резерви се зголеми на 632,4 милијарди долари на 1 март од 620,8 милијарди долари на 1 февруари, пренесува „Новости“.
фото freepic