Финансии / Банкарство
СРБИЈА ОСТВАРИ РЕКОРДНА СУМА НА РЕИВЕСТИРАНИ ПРИХОДИ ОД СТРАНСКИТЕ ИНВЕСТИЦИИ
10.03.2025
Минатата година, бруто приливот на странските директни инвестиции во Србија изнесуваше 5,8 милијарди долари. Во 2023 година, приливот на СДИ изнесуваше 4,93 милијарди долари. Претходниот рекорд беше во 2011 година и изнесуваше 4,934 милијарди долари.
Приходите од постојните директни инвестиции се исто така рекордни, достигнувајќи 4,95 милијарди долари и зголемени за 37,3 отсто во однос на вредноста во 2023 година.
Во периодот од 2008 до 2024 година, вкупните приходи од странски инвестиции изнесуваат 34,4 милијарди долари. Од тоа, 14,3 милијарди долари беа реинвестирани, а 20,1 милијарди долари беа вратени или исплатени на сопствениците преку дивиденди.
Во 2024 година е постигната рекордна вредност на реинвестирана заработка во износ од 1,72 милијарди долари. Претходниот рекорд беше во 2018 година кога беа реинвестирани 1,36 милијарди долари.
Минатата година беше рекордна и преку стапката на добивка на странските директни инвестиции која достигна 7,5 отсто, што е сооднос од 4,95 милијарди долари приход наспроти 66,2 милијарди долари кумулативни приливи на директни инвестиции, пренесува „Бизнис и финансии“.
фото freepic