Финансии / Банкарство
ВО ЦРНА ГОРА ПОЛОВИНА ОД СТРАНСКИТЕ ИНВЕСТИЦИИ СЕ ВО НЕДВИЖЕН ИМОТ
10.03.2025
Вкупниот прилив на странски директни инвестиции во Црна Гора лани изнесува 889,80 милиони евра, што е зголемување за 3,18 отсто во однос на претходната година, покажуваат прелиминарните податоци на Централната банка на Црна Гора (ЦБЦГ).
Нето-приливот на странски директни инвестиции изнесува 489,94 милиони евра што е за 12,99 отсто повеќе од 2023 година, пишува еКапија.
Како што покажуваат податоците, остварен е прилив од 569,27 милиони евра во форма на акционерски вложувања, што претставува 63,98 отсто од вкупниот прилив.
Во структурата на акционерски вложувања, вложувањата во компании и банки изнесуваат 113,94 милиони евра и бележат раст од 19,60 отсто, додека инвестициите во недвижности изнесуваат 455,33 милиони евра, што е намалување од 1,72 отсто.
Лани најголемите инвестици биле од Србија - 118,2 милиони евра. Од таа сума, најголемиот дел е вложен во недвижен имот, над 69 милиони. На второ место е Руската Федерација, чии граѓани инвестирале околу 100,18 милиони евра, а во недвижен имот се инвестирани 37,8 милиони евра. Од Турција во Црна Гора пристигнале околу 99,63 милиони евра, а најголемиот дел (околу 62 милиони евра ) е поврзан со недвижен имот.
фото freepic