Финансии / Банкарство
ТРГОВСКИОТ КОНФЛИКТ ГО ЗГОЛЕМУВА РИЗИКОТ ОД НОВА РЕЦЕСИЈА, предупредува германскиот министер за финансии
09.04.2025
Германскиот министер за финансии Јорг Кукис денеска предупреди дека Германија се соочува со ризик од нова рецесија поради трговските тензии што ескалираа по воведувањето на американските царини.
- Евентуален трговски конфликт го зголемува ризикот од рецесија, нема сомнеж за тоа, изјави Кукис за радио станицата Deutschlandfunk.
Германија веќе две години е во рецесија, а трето последователно намалување на економската активност оваа година би било историско.
Извори за Ројтерс изјавија дека германските економски институти се подготвуваат да ја намалат својата прогноза за раст за оваа година на само 0,1 отсто, врз основа на проценките кои сè уште не ги вклучуваат најновите царини наметнати од администрацијата на американскиот претседател Доналд Трамп, пренесува Еуроњуз.
фото freepic