Финансии / Банкарство
ЕЦБ ТРЕБА ДА ГИ НАМАЛИ КАМАТИТЕ ПОРАДИ ТРГОВСКАТА ВОЈНА, препорачува гувернерот на Банката на Франција
09.04.2025
Европската централна банка (ЕЦБ) треба да ги намали каматните стапки поради трговската војна што ја започна Вашингтон, изјави денеска гувернерот на Банката на Франција, Франсоа Виероа де Гало.
- Промените што се случија од 2 април укажуваат на потребата од побрзо намалување на каматната стапка во еврозоната, изјави тој за Монд.
Еврото почна да зајакнува во однос на доларот откако Трамп ги објави новите царини, а европската валута оттогаш порасна за 2,5 отсто.
Гувернерот на Банката на Франција истакна дека ваквата реакција на пазарот е „големо изненадување“ и додаде дека растот на вредноста на еврото би помогнал да се ограничи инфлацијата во еврозоната, а во исто време верува дека инфлацијата во САД во иднина би можела да расте, пренесува Политика.
Новата средба на ЕЦБ на која ќе се разговара за каматните стапки ќе се одржи следната недела, од 16 до 17 април во Франкфурт.
фото freepic