Финансии / Банкарство
ЕБРД ГИ НАМАЛИ ПРОГНОЗИТЕ ЗА ЕКОНОМСКИ РАСТ ЗА ЗАПАДЕН БАЛКАН ВО 2025 ГОДИНА
13.05.2025
Европската банка за обнова и развој (ЕБОР) денес објави дека очекува побавен раст во земјите во кои инвестира и ја намали прогнозата за економски раст во 2025 година на три проценти, што е за 0,2 процентни поени помалку во споредба со претходната проценка од февруари. За Србија се очекува раст од 3,5 проценти оваа година, или 0,5 проценти понизок отколку во претходната прогноза.
Според мислењето на банката, Србија ќе забележи економски раст од 3,7 проценти во 2026 година, што е за 0,3 проценти пониско во однос на претходниот извештај.
Новата прогноза на ЕБРД, симболично насловена како „Времиња на неизвесност“, доаѓа во време на ескалација на трговските тензии, вклучувајќи го и најновото воведување на царини и пошироката неизвесност во глобалната економска политика.
Најголемите корекции надолу се забележани во Западен Балкан, Централна Европа и балтичките држави.
ЕБРД очекува стапката на економски раст на Западен Балкан да изнесува 3,2 проценти во 2025 година и 3,4 проценти во 2026 година, што во двата случаи претставува намалување во споредба со извештајот од февруари, пренесува Еуроњуз.
фото freepic