Финансии / Банкарство
БРЗ РАСТ НА БРОЈОТ НА МИЛИЈАРДЕРИ ВО САД, НЕДОСТИГААТ ФИНАНСИСКИ СОВЕТНИЦИ
18.05.2025
Најновата студија спроведена во САД покажа дека поради растечкиот број милијардери во земјата, до 2034 година може да има недостиг од дури 100.000 финансиски советници. Според најновата листа на списанието „Форбс“, во 2025 година во светот има 3.028 милијардери, чие вкупно богатство е 16,1 трилион долари.
Како што објавува CNBC, проблемот е што стапката на зголемување на бројот на милијардери не е во чекор со бројот на финансиски советници.
Бројот на финансиски советници во САД пораснал за само 0,3 проценти годишно во последните 10 години, а се очекува да се намали за 0,2 проценти во наредните години поради пензионирањето на многу професионалци, додека нема доволно нови.
Фирмата „МекКинзи“ посочува дека до 2034 година може да има недостиг од помеѓу 90.000 и 110.000 експерти.
Овој тренд не е ограничен само на САД, бидејќи финансиски советници се сè потешко да се најдат и во Европа.
Наоѓањето и ангажирањето финансиски советници ќе стане голем предизвик за компаниите во иднина, особено во САД, се заклучува во студијата, пренесува Еуроњуз.
фото freepic