Финансии / Банкарство
ГОСТИН НА СВАДБА РАЗМЕНИЛ ФАЛСИФИКУВАНА БАНКНОТА ОД 500 ЕВРА!
21.05.2025
Во Србија во првите три месеци годинава беа откриени 2.361 лажни банкноти, од нив 450 се во динари, а 1.911 се странски валути. Според податоците од Народната банка на Србија (НБС) фалсификуваните банкноти најчесто се користат за купување стоки или услуги или за отплата на долгови. Но регистриран е случај на пуштање во оптек на фалсификувани пари како подарок на свадба. Фалсификаторот дал една лажна банкнота од 500 евра како „подарок“ за младенците и побарал кусур од 300 евра, изјавија од Народната банка на Србија за B92.
Најчесто фалсификуваните банкноти се користат на продажни места со поголем промет и помал контрола, како што се пазари, дискотеки, ноќни клубови или улични продажни места.
Чест начин на пуштање на лажни банкноти е преку „стратегија на раситнување“ при купувањето стоки или услуги со ниска вредност кои се „плаќаат“ со лажни пари со цел да се добијат автентични пари во кусур.
Најчести фалсификати има кај апоени од 50 и 100 евра, 100 американски долари и 2.000 динари.
Кога станува збор за динарите, најголемиот број фалсификати се „печатени“ во Србија.
фото freepic