Финансии / Банкарство
Во Србија се ограничуваат каматите за кредити за станови и другите кредити
07.06.2025
Од 1 јуни оваа година, граѓаните на Србија добиваат дополнителна заштита од непријатни изненадувања кога станува збор за износот на ратата на кредитот.
Новите правила важат и за номиналната и за ефективната каматна стапка.
Кога станува збор за номиналните каматни стапки, Народна банка на Србија пропиша дека за станбените кредити (без разлика дали се со променлива или фиксна каматна стапка) каматната стапка не смее да надминува пет проценти, без оглед на тоа дали кредитите се индексирани во динари или евра.
Ограничувањето на каматните стапки во договорите за станбени кредити не важи за станбени кредити со фиксна каматна стапка одобрени пред влегувањето во сила на Законот.
Кога станува збор за други кредити со променлива каматна стапка, каматните стапки за кредити индексирани во динари не смеат да надминат 13,75 проценти, додека за кредити во евра, каматната стапка не смее да биде повисока од 6,96 проценти.
Ефективната каматна стапка, која ги вклучува сите трошоци за земање кредит, банката не смее да ја наплаќа повеќе од 9,25 проценти за станбени кредити во динари, а не повеќе од 5,90 проценти во евра.
За други кредити, ефективната каматна стапка не смее да биде повисока од 15,75 проценти во динари, односно 12,40 проценти во евра.
Овие ограничувања на каматните стапки ќе важат шест месеци, односно до 30 ноември, пренесува Данас.
фото freepic