Финансии / Банкарство
Лагард: Нема ценовна стабилност, ако нема и финансиска стабилност!
14.06.2025
Целта на Европската централна банка за инфлација од два проценти е достижна, изјави претседателката на ЕЦБ, Кристин Лагард, во интервју објавено денес за кинеската новинска агенција Синхуа.
- Ние сме во дофат на среднорочната цел за инфлација од два проценти, која ја дефиниравме како ценовна стабилност, но не можеме да имаме ценовна стабилност ако немаме финансиска стабилност, истакна Лагард.
ЕЦБ е многу посветена на силна регулаторна средина и силен надзор за да го одржиме нашиот финансиски сектор стабилен и здрав, бидејќи тоа е во интерес на луѓето на кои им служиме, објасни таа.
Овој месец ЕЦБ ги намали своите прогнози за инфлација во Еврозоната на два проценти во 2025 година и 1,6 проценти во следната година, пренесува Еуроњуз.