Финансии / Банкарство
НЕИЗВЕСНА НЕДЕЛА ЗА ИНВЕСТИТОРИТЕ: ФЕД одлучува за каматите, Швајцарија е во зона на дефлација!
15.06.2025
Покрај геополитичките тензии, фокусот на инвеститорите следната недела ќе биде ставен на јунскиот состанок на Федералните резерви на САД.
Федералните резерви речиси сигурно ќе ја остават својата клучна каматна стапка непроменета на 4,25-4,50 проценти, наспроти притисокот од Трамп да ги намали каматните стапки. Прогнозите на берзанските експерти се дека Федералните резерви би можеле да ги намалат стапките за прв пат оваа година во септември.
Швајцарија е на пат да стане првата развиена земја што ќе се врати на негативни каматни стапки. Во мај, оваа земја доживеа дефлација за прв пат од 2021 година (цените паднаа за 0,1 процент на годишно ниво). Швајцарската национална банка ќе се состане на својот следен состанок во четврток, а економистите очекуваат таа да ги намали стапките од 0,25 проценти на нула проценти, а се очекува уште едно намалување во септември, што би ја одвело референтната стапка на негативна територија, пренесува Сеебиз.
фото freepic