Финансии / Банкарство
ВО ХРВАТСКА ВО МАЈ НАЈМНОГУ ПОСКАПЕЛЕ УСЛУГИТЕ И ХОТЕЛИТЕ, ИНФЛАЦИЈА ОД 3,5 %
16.06.2025
Потрошувачките цени во Хрватска во мај беа повисоки за 3,5 проценти во споредба со истиот месец минатата година, објави Државниот завод за статистика (CBS), што ја забрза инфлацијата на годишна основа. Стапката на инфлација во мај изнесуваше 3,5 проценти во споредба со мај 2024 година, додека во споредба со претходниот месец, односно април оваа година, потрошувачките цени се зголемија за 0,3 проценти.
Цените на рестораните и хотелите се зголемија за девет проценти на годишно ниво. Потоа следуваат разни стоки и услуги со 6,2 проценти, рекреација и култура со 5,8 проценти, храна и безалкохолни пијалоци со 5,7 проценти, категоријата домување, вода, електрична енергија, гас и други горива се зголеми за 5,6 проценти, образование за 5,3 проценти и здравство за 5,1 процент.
Категоријата алкохолни пијалоци и тутун, со просечен пораст на цените од 1,8 проценти и комуникации, со мало зголемување од 0,1 процент. Годишниот пад е забележан во три категории: транспортот за 1,9 проценти, облека и обувки за 1,7 проценти и мебел, опрема за домаќинството и редовно одржување на домаќинството за 0,2 проценти, пренесува Пословни дневник.
фото freepic