Финансии / Банкарство
Во пораст цените на суровата нафта и вредноста на акциите на нафтените компании
19.06.2025
Цените на суровата нафта на американскиот пазар (WTI) продолжија да растат и денес се искачија на 76,50 долари за барел, кое е највисоко ниво во последните пет месеци.
Причината за овoj раст е влошувањето на состојбата на Блискиот Исток, што го загрози снабдувањето со енергија од тој регион. Ова се случи откако американскиот претседател Доналд Трамп зазеде цврст став против Иран за да ја одржи можноста за интервенција на САД, што би ризикувало да предизвика глобален конфликт и да спречи танкери да минуваат низ Ормутскиот теснец.
Поради геополитичките тензии европскиот енергетски сектор доживува најсилен раст во последните години. Цената на нафтата и вредноста на енергетските акции нагло пораснаа низ целиот континент. Индексот Euro STOXX 600 Energy, кој ги следи акциите на најголемите европски компании за нафта и гас, скокна за речиси 8 проценти од почетокот на јуни. Доколку трендот од почетокот на неделата продолжи, секторот е на добар пат да го постигне својот најдобар месечен резултат од октомври 2022 година, пишува Еуроњуз.
фото freepic