Финансии / Банкарство
Нова еврообрзница од 700 милиони евра за враќање долгови и покривање буџетски дефицит
20.06.2025
Министерството за финансии веќе работи на подготовка за издавање на нова еврообврзница за следната година со цел да се обезбедат средства за сервисирање на еврообврзницата што доспева во 2026 година којашто е во износ од 700 милиони евра, изјави министерката за финансии Гордана Димитриеска-Кочоска.
- Тоа ќе биде износ поголем од 700 милиони евра, бидејќи дел од евентуалниот буџетски дефицит за 2026 година исто така ќе го финансираме преку еврообврзницата. Најголемиот дел од Буџетот во 2025 година го финансиравме преку домашните банки, но сега е време да се насочиме кон меѓународните финансиски пазари, истакна Димитриеска-Кочоска за телевизија „Сител“.
Во однос на проектот за изградба на брзата пруга која е дел од Коридорот 10, минисерката рече дека не се предвидени повлекување на средства ниту оваа, ниту наредната година. Верува дека ќе има добри понуди од меѓународните финансиски институции.
- Ќе следи анализа на понудите, а потоа ќе има закон за задолжување, а имаме и избори. Со информациите што ги имаме од Министерството за транспорт и врски првите исплати ќе бидат во 2027 година, рече Димитриеска-Кочоска.