Финансии / Банкарство

Гутереш: На светот му е потребен поправеден глобален „даночен систем“

Генералниот секретар на ОН, Антонио Гутереш, денес во Севиља на четвртата меѓународна конференција на ОН за финансирање на развојот изјави дека на светот му е потребен пофер глобален „даночен систем“ кој, како што рече, ќе го обликуваат сите, а не само неколкумина.

-  Ова вклучува тројно зголемување на кредитниот капацитет на мултилатералните развојни банки и пренасочување на специјалните права на влечење што можат да го ослободат кредитниот капацитет и да им помогнат на земјите во развој да ги зголемат инвестициите, рече Гутереш на отворањето на конференцијата.

Тој истакна дека целта на собирот е да им се обезбеди достоинствен живот на сите луѓе.

- Оваа конференција не е за пари, туку за инвестиции во иднината што сакаме да ја изградиме заедно, рече Гутереш.

Според него, затоа е важно да се создаде единствен регистар на задолженост и долгови со цел да се зголеми транспарентноста и да се промовира одговорно кредитирање, како и да се намалат капиталните трошоци преку конверзија на долгот и поддршка за управување со долгот, но и преку прекини во сервисирањето на долгот во итни ситуации.

- Мора да го зголемиме учеството на земјите во развој во институциите на глобалната финансиска архитектура. Сегашните главни акционери имаат улога, препознавајќи ја важноста на корекција на неправдите и прилагодување кон светот што се менува. Новиот форум на заемопримачи ќе им даде глас на заемопримачите за пофер решавање на долгот и ќе поттикне транспарентност, заедничко учење и координирани активности поврзани со долгот, рече Гутереш, пренесува Политика. 

Тој се заложи и за иновативни финансиски решенија за ослободување на приватниот капитал, односно за како што нагласи „решенија што ги ублажуваат валутните ризици, што поефикасно ги комбинираат јавното и приватното финансирање и обезбедуваат ризиците и придобивките од развојните проекти да се споделуваат помеѓу јавниот и приватниот сектор“.

- Мораме да го поправиме глобалниот систем на долгови што е неодржлив, неправеден и недостапен, рече тој. 

Со годишно сервисирање на долгот од 1,4 трилиони американски долари, земјите имаат потреба и заслужуваат систем што ги намалува трошоците за задолжување, овозможува фер и навремено реструктуирање на долгот и на прво место спречува кризи на долгот.


фото freepic 

 

ПРЕПОРАЧАНО

Најчитано