Финансии / Банкарство
КАКО СОЈУЗНИТЕ СЛУЖБЕНИЦИ ВО ГЕРМАНИЈА СТИГНУВААТ ДО ПЕНЗИЈА ОД НАД 6.000 ЕВРА?
26.07.2025
Во Германија пензионираните федерални службеници од највисокиот ранг добиваат пензија од повеќе од 6.000 евра месечно. Германските федерални службеници уживаат и голем број бенефиции, многу тешко да ги напуштат своите работни места, а добиваат и разни додатоци заедно со платата. За споредба, просечната законска пензија во исто време изнесуваше 1.500 евра бруто.
Пресметката на официјалните пензии на федералните службеници во Германија е комплицирана. Секоја федерална држава има свои табели што резултираат со повисоки или пониски пензии.
Основата на официјалните пензии се одредува според збирот на основната плата и семејните и сите други додатоци. За секоја година стаж се признава 1,79375 проценти од пензијата, што значи дека за 40 години стаж е можно да се добие пензија од максимум 71,75 проценти од последната бруто плата.
Правото на пензија се стекнува по најмалку пет години работа во федералните служби. Возраста за пензионирање е 67 години, со исклучоци за полицијата и пожарникарите.
Федералните вработени лица се поделени на нивоа на плата што зависат од нивните позиции. Така, трите нивоа на плата вклучуваат судии и административен персонал, потоа вработени со средно или високо образование... Највисокиот ранг вклучува советници, директори, дипломати. Исто така, постојат посебни нивоа на плата за судии, државни адвокати и професори. Нивните плати, теоретски, можат да достигнат бруто сума од 16.000 евра месечно.
Државен службеник кој ќе достигне ниво на плата А16 по 40 години работа може да очекува бруто пензија од 6.441,72 евра без додатоци. Судиите со ниво на плата R10 имаат право на највисока пензија од 11.886,11 евра бруто месечно. Но, тоа е исклучок што го користат мал круг луѓе.
Поголемиот дел од државните службеници припаѓаат на класи на плати во кои, по 40 години работен стаж, пензиите се движат од 2.485,42 до 4.749,85 евра месечно, пренесува Пословни.дневник.
фото freepic