Финансии / Банкарство
НАЈГОЛЕМ ЕДНОДНЕВЕН ПАД НА ЕВРОТО ВО ОДНОС НА ДОЛАРОТ ПО ЦАРИНСКИОТ ДОГОВОР
28.07.2025
Вредноста на еврото се намали во однос на доларот, а тоа е најголем еднодневен пад во однос на американската валута од мај годинава, бидејќи инвеститорите се обложуваат дека трговскиот договор меѓу ЕУ и САД ќе ѝ наштети на европската економија.
Единствената валута падна за дури 1 процент во однос на доларот на 1,162 долари во попладневното тргување, а ослабе за дури 0,9 проценти во однос на фунтата.
Според договорот постигнат во недела, поголемиот дел од извозот на ЕУ во САД ќе се соочи со царина од 15 проценти.
Царинската стапка е пониска од 30-те проценти што американскиот претседател Доналд Трамп се закани дека ќе ги воведе на блокот од 1 август, но инвеститорите предупредија на опасностите за европскиот извозен сектор, пренесува Сеебиз.
фото freepic