Финансии / Банкарство
БЕЗ ЕУФОРИЈА КАЈ ИНВЕСТИТОРИТЕ НА БЕРЗИТЕ ПО СКЛУЧУВАЊЕТО НА ЦАРИНСКИОТ ДОГОВОР МЕЃУ САД И ЕУ
29.07.2025
Договорот за царини меѓу САД и Европската Унија не предизвика (пре)големи промени во берзанското тргување, поради „смиреното“ расположение на инвеститорите кои се во очекување на објавување на други позначајни идникатори во текот на неделава, вклучително и одлуката за каматната стапка на Федералните резерви.
Во понеделникот S&P 500 заврши близу до рамна линија, широко базираниот индекс додаде 0,02% и затвори на 6.389,77. S&P 500 достигна нов рекорд кратко по отворањето, но индексот порасна само за 0,2% на својот максимум на сесијата, бидејќи ентузијазмот на трговците за договорот со ЕУ се намали. Индексот на индустрискиот просек Dow Jones се намали за 64,36 поени, или 0,14%, на 44.837,56. Nasdaq Composite додаде 0,33% на 21.178,58. Индексот базиран на технологија, исто така, достигна рекорд во понеделник.
Инвеститорите се подготвуваат за мноштво податоци и одлуката за каматната стапка на Федералните резерви и извештајот за работните места во петок. Повеќе од 150 компании од S&P 500 треба да објават квартални резултати. Инвеститорите ќе ги слушнат коментарите на компаниите за трошењето на вештачката интелигенција.
Федералните резерви, исто така, ќе го одржат својот дводневен состанок за монетарната политика, кој завршува во среда. Иако се очекува централната банка да ја задржи својата клучна краткорочна каматна стапка на сегашниот целен опсег од 4,25% до 4,5%, трговците ќе бараат индиции дали намалувањето на стапката ќе биде на маса на состанокот во септември.
Во петок, инвеститорите, исто така, ќе го анализираат клучниот извештај за работни места во јули за да добијат увид во здравјето на економијата. Се очекува извештајот да покаже дека економијата додаде 102.000 работни места во јули, што е намалување од 147.000 во јуни, пренесува Сеебиз.
фото freepic