Финансии / Банкарство
Јавниот долг на Германија постојано се зголемува
29.07.2025
Јавниот долг на Германија се искачи на рекордни 2.510,5 милијарди евра минатата година, објави Федералниот завод за статистика. Јавниот долг по глава на жител изнесува 30.062 евра, што е зголемување од 669 евра во споредба со претходната година.
Долгот на земјата постојано се зголемува од 2020 година. Задолженоста се однесува на вкупниот јавен буџет, кој ги вклучува федералната влада, покраините, општините, општинските сојузи и социјалното осигурување, објави агенцијата ДПА.
Во споредба со крајот на 2023 година, јавниот долг се зголеми за 2,6 проценти до крајот на минатата година.
Зголемувањето на долгот има на сите нивоа, а најголемото зголемување беше 10,3 проценти во општините и општинските сојузи, каде што вкупниот износ се искачи на 170,5 милијарди евра.
Долгот по глава на жител беше највисок во општините на најнаселената покраина Северна Рајна-Вестфалија, како и во претходната година. По нив следат општините во покраините Хесен и Сар, исто така на западот од земјата. Според извештајот, најмал долг е забележан во општините во источните покраини Бранденбург и Саксонија.
Федералниот долг се зголемил за 2,1 процент, на 1.732,7 милијарди евра, пренесува Бизнис.рс.
фото freepic