Финансии / Банкарство
КОИ СЕ НАЈТРГУВАНИ АКЦИИ ВО ЈУЛИ, Македонска берза го објави билтенот
06.08.2025г
Македонската берза го објави билтенот за месец јули. Најтргувани акции на официјалниот пазар на Mакедонска берза во седмиот месец од годинава се акциите на Комерцијална банка со остварена просечна цена од 28 201 и истргувани 4 574 акци во 500 трансакции, а вкупната вредност на остварениот промет 128,9 милиони денари. Во истиот период акциите на НЛБ Банка постигнале просечна цена од 55 999 денари, а вредноста на прометот била 55,4 милиони денари.
На трето место најтргувани се акциите на Алкалоид со просечна цена од 26 918 денарии со остварен промет од 47,2 милиони денари преку 193 трансакции.
Во топ 5 најтргувани акции во јули се и акциите на Реплек и Стопанска банка Скопје со реализиран промет од 36,5 и 24,6 милиони денари соодветно.