Финансии / Банкарство
Белгиските граѓани ги чуваат монетите во центи, трговците немаат да враќаат за кусур
15.07.2024
Министерството за финансии на Белгија почна кампања преку социјалните мрежи со која ги повикува граѓаните да ги трошат монетите од евра, кои ги чуваат непотрошени чиј број достигна повеќе од 4,2 милијарди парчиња со вкупна вредност од 1,5 милијарди евра. Оваа кампања е покрената за да се спречи дополнително производство на монети. Во белгиските продавници се чуствува недостиг од монети со помали апоени за да може трговците да враќаат кусур при плаќањето во готово.
Од големите трговски здруженија предупредија дека во Белгија се чуствува недостиг од ситни пари, затоа што граѓаните „чуваат“ монети во апоени од пет, десет и 20 центи.
- За време на корона кризата потрошувачите помалку ги користеа овие монети и не ги враќаат во платниот промет. Но трговците имаат потреба од овие монети, појаснуваат од трговските здруженија.
За граѓаните кои не сакаат да ги користат овие монети постои можноста да се депонирааат во банка или да се донираат за доброволни цели. Проценката на белгиските власти е дека со враќање на два отсто од неискористените монети секоја година може да се заштеди повеќе од пет милиони евра за производство на нови монети.
Една од причините зошто монетите не се користат од белгиските граѓани е што се поголем број го користат дигиталното плаќање, пренесува „Еуроњуз“.
фото freepic