Финансии / Банкарство
ЕЦБ ги задржа каматните стапки непроменети
18.07.2024
Управниот совет на Европската централна банка денеска одлучи да ги задржи референтната каматна стапка на главните операции за рефинансирање на 4,25 отсто, каматната стапка на депозитите на 3,75 отсто и маргинална каматна стапка на 4,50 отсто.
Управниот совет на ЕЦБ ги задржа и претходните процени за среднорочните изгледи за инфлацијата која, според јунската прогноза во 2024 година, изнесува во просек 2,5 отсто и ќе се намали на 2,2 отсто во 2025 година, додека во 2026 година ќе изнесува 1,9 отсто.
Инфлаторните притисоци во еврозоната се високи, како и високиот раст на цените во секторот услуги, а се проценува дека стапката на инфлација и следната година ќе биде над посакуваните два отсто, се наведува во соопштението на ЕЦБ.
Монетарната политика ќе продолжи да биде рестриктивна, а Управниот совет на ЕЦБ нема однапред да најавува одредено движење на каматните стапки, а тие ќе се утврдуваат врз основа на актуелните економски податоци и процени, објави „Еуроњуз“.
фото freepic