Финансии / Банкарство
Против глобалните климатски промени потребни се 4.000 милијарди долари
21.07.2024
За борбата против климатските промени се потребни околу 4.000 милијарди долари за да се постигнат целите за одржлив развој . Оваа сума изнесува колку БДП на Германија во 2022 година и може да се мобилизира само со значајни промени во глобалните финансиски текови, што подразбира и пренасочување на илјада милијарди долари преку директни или индиректни економски активности. Потребните финансиски средства се само еден отсто од вкупната вредност на глобалниот финансиски имот, кој изнесува над 470.000 милијарди долари, се наведува во Извештајот за трговија и развој на меѓувладината организација УНКТАД во ОН.
- Меѓутоа, не е лесно да се пренасочат ресурсите од долгогодишните и често профитабилните активности. Секогаш е предизвик да се пренасочат ресурсите кон нови или помалку сигурни инвестиции за одржлив развој, наведува Анастасија Несветаилова, шефица на одделението за макроекономска и развојна политика во УНКТАД.
Според Несветаилова, продолжува долгогодишната нееднаквост меѓу земјите во областа на климата и финансиите, а финансирањето на фосилните горива доаѓа највеќе од најбогатите делови во светот, но најсиромашните најмногу се изложени на последиците од климатските промени.
Во пресметувањето на индексот на ефектите во борбата против климатските промени се опфатени 63 земји и Европската Унија. Во извештајот за 2023 година се оценува остварувањето во четири категории: емисија на гасови, обновливата енергија, потрошувачката на енергија и климатската политика. Според овој индекс, на прво место е Данска, втора е Естонија и трета Филипини. Следат Индија, Холандија и Мароко, а меѓу првите десет земји се Шведска, Чиле, Норвешка и Португалија, покажува истражувањето на „Бизнис.рс“.
фото freepic