Финансии / Банкарство
Фалсификаторите во Германија повеќе се насочија кон банкноти во евра со помала номинална вредност
27.07.2024
Во Германија во првата половина од 2024 година се појавиле најмногу фалсификувани банкноти во евра, а најизложени на фалсификување се оние со помала номинална вредност. Според информациите на Централната банка на Германија, бројот на запленети лажни банкноти изнесува 38.578 со вкупна номинална вредност од 2,4 милиони евра.
Повеќе лажни банкноти биле запленети во 2017 година, кога биле откриени 39.685 парчиња. Во споредба со втората половина од 2023 година, има зголемување на фалсификуваните пари за 29 отсто, соопшуваат од германската централна банка.
Висината на направената штета за граѓаните е повисока за пет отсто, бидејќи фалсификаторите се префрлија на банкнотите со помала номинална вредност. Најчесто се „печатат“ лажни банкноти со вредност од 50 евра, кои учествуваат со 37 отсто од фалсификуваните пари. Банкноти со 20 евра учествуваат со 30 отсто. Најчесто користената банкнота од 100 евра е фалсификувана во 15 отсто од случаите. Годинава се забележува раст на откриените фалсификати од 10 евра, кои учествуваат со седум отсто. „Печатењето“ на банкнотите од 200 и 500 евра е намалено на само десет отсто од откриените фалсификувани евра.
- Сепак, во оптек има помалку лажни пари или има еден фалсификат на 10.000 жители во Германија, изјави Буркхарт Балс, претседателот на управниот одбор на Бундесбанката.