Финансии / Банкарство
Во Србија се носи закон за ограничување на каматите за станбени и потрошувачки кредити и на дозволениот минус
03.08.2024
Каматните стапки на станбени кредити, за готовинските и потрошувачките кредити, кредитните картички и дозволените минуси од септември ќе бидат ограничени, објави Јоргованка Табаковиќ, гувернерот на Народна банка на Србија. На есен, пред српските пратеници ќе се најде новиот Закон за заштита на корисниците на финансиските услуги, а главната новина е ограничувањето на каматните стапки кои ги пресметуваат банките при издавањето на кредитите за граѓаните. Од Централната банка на Србија не го соопштуваат точниот лимит на каматите, односно нејзината горна граница. Но некои информации можат да се насетат од формулацијата за пресметката на каматите, а која се врзува за пондерираната просечна стапка, пишува „Политика“.
Ограничувањето на каматните стапки ќе биде воведено за прв пат. НБС појаснува дека на овој начин ќе се постигне двојна цел.
- Ограничувањата треба да ги спречат банките на граѓаните да им наплатува превисоки камати. Второ, со врзувањето на максималните каматни стапки за движењето на пондерираната просечна стапка со одреден додаток да го спречат нивниот брз раст. Дополнително, со ограничување и на ефективната каматна стапка која ја покажува вкупната цена на кредитот на банките им се оневозможува евентуалното заобоколување на ограничувањата со раст на други дополнителни надоместоци, објаснуваат од Банката на Србија.
Од новиот закон посебна корист ќе имаат граѓаните со веќе подигнати станбени кредити, бидејќи одлуката за ограничување на каматите кај овие позајмиците со променлива камата од септември минатата година беше привремена, а со законските ограничувања тоа ќе има траен карактер.
Ограничувањата кај готовинските кредити, кредитни картички и дозволеното пречекорување се врзува со просечната пондерирана стапка, но и за законската каматна стапка на која директно влијае референтната каматна стапка на НБС. На овој начин ќе се овозможи референтната каматна стапка побрзо и подиректно да влијае на висината на каматните стапки кај овие банкарски производи, велат од Народната банка на Србија.
- Народната банка со оваа мерка сака да го спречи брзиот раст на каматите, а ова е познато како „плафонирање“. Под ова ниво важат пазарните услови, променлива каматна во согласност со движењето на еурибор. Кај нас, пазарните услови создаваат ризици кои не се примерени и се оптоваруваат должниците. Врзувањето на цената на парите само со референтната каматна стапка на централните банки, во овие глобални неизвесноти, е несоодветно, вели Зоран Грубишиќ, декан на Белградската банкарска академија, за „Политика“.
Медиумите во Србија пишуваат дека со новите правила ќе бидат заштитени граѓаните кои за дозволените минуси плаќаа камати од 20 до 30 отсто.
фото freepic