Финансии / Банкарство
(Пре)задолженост на хрватските домаќинства, должат 23 милијарди евра кај банките
05.08.2024
На крајот на јуни годинава хрватските домаќинства должеле 22,98 милијарди евра по основ на банкарски кредити, што е за 2.26 милијарди или за 11 отсто повеќе од јуни 2023 година, објави Хрватската народна банка.
Од вкупната вредност на кредитите одобрени на домаќинствата, 11,34 милијарди евра се за станбени кредити, а 8,67 милијарди се за ненаменските готови кредити.
Во второто тромесечие на 2024 година кредитите за домаќинствата се зголемени за 0,7 милијарди евра и се поголеми за 2,3 милијарди евра или 11,1 отсто.
Кредитите за претпријатијата во Хрватска во јуни се зголемиле за 667 милиони евра или за 4,6 отсто. На годишно ниво растот на кредитите за компаниите се забрза на 4,9 отсто на крајот на јуни 2024 година, пишува „Пословни дневник“.
фото freepic