Финансии / Банкарство
Висок месечен пад на инфлацијата во Турција
05.08.2024
Вкупната инфлација во Турција во јули забележа најсилен пад во последните две години, а податоците објавени денеска покажуваат дека е намалена на 61,8 отсто. Претходниот месец инфлацијата иснесуваше 71,6 отсто, објави турскиот институт за статистика Туркстат.
Месечниот раст на цените изнесува 3,23 отсто, по порастот на цените во јуни од 1,64 отсто. Инфлацијата во Турција сега е најниска од октомври 2023 година.
Цените на храната и безалкохолните пијалоци во Турција во јули се зголемени за 58,91 отсто на годишно ниво, како и цените на транспортот за 46,07 отсто, услугите во хотелите, кафулињата и рестораните за 76,04 отсто, облеката и обувките за 39,57 отсто, услугите во здравството 63,02 отсто. Во сите наведени категории годишниот раст на цените е побавен во однос на јуни.
Годишната стапка на базичната инфлација во Турција падна од 71,41 отсто во јуни на 60,23 отсто во јули, пишува „Блумберг“.
фото freepic