Финансии / Банкарство
Јапонските акции бележат висок раст, по вчерашниот берзански пад
06.08.2024
Јапонските акции забележаа силно заздравување по вчерашното намалување на Nikkei 225 i Topix за повеќе од 12 отсто, а на денешното тргување има пораст на азиските берзи.
Јапонскиот Nikkei 225, кој на претходното тргување забележа најголема загуба од падот на Црниот понеделник во 1987 година, и вредноста на Topix порасна за повеќе од 7 отсто достигнувајчи ја највисоката вредност од над 10 отсто.
Подигнувањето на стапката на Банката на Јапонија на највисоко ниво од 2008 година на 30 јули годинава предизвика јакнење на јапонскиот јен и влијаеше на вредноста на акциите.
Глобалниот финансиски пазар беше заплиснат од стравот од рецесија во САД кое беше поттикнато со информациите за послабите бројки во вработувањето.
Јапонскиите големи трговски компании забележаа пораст од над шест отсто. Пораст на вредноста на акциите остварија и јапонските производители на автомобили и добавувачи на полупроизводи од 13 до 17 отсто.
Националната валута на Јапонија ослабна за 0,83 отсто односно американскиот долар се разменуваше за 145,37 јени.
Јужнокорејскиот Kospi порасна за над 3 отсто. Пазарите во Јужна Кореја вчера привремено престанаа со работа по падот. Јужнокорејскиот „Самсунг Електроникс“ забележа раст од 2,1 отсто, додека производителот на чипови СК Хиникс за 4,5 отсто.
Индексот CSI 300 во Кина остана непроменет , додека индексот Hang Seng во Хонг Конг порасна за 0,9 отсто. Австралискиот S&P/ASX 200 оствари раст од 0,4 отсто, пренесува „Сеебиз“.
фото freepic