Финансии / Банкарство
Србија со буџетски суфицит и јавен долг од 50 отсто од БДП
06.08.2024
Јавниот долг на Србија на крајот на јуни годинава изнесува околу 38,18 милијарди евра, што е 50 отсто од бруто домашниот производ (БДП), објави српското Министерството за финансии. На крајот на мај јавниот долг на земјата беше 36,35 милијарди евра, односно 47,6 отсто од БДП. На крајот на 2023 година јавниот долг на Србија беше 36,15 милијарди евра, или 52 отсто од БДП.
Суфицитот во државниот буџет на Србија на крајот на јуни годинава изнесуваше 27,6 милијарди динари. Финансиската слика на државата е подобра од буџетскиот план за 81,5 милијарди динари, и беше планиран дефицит од 53,9 милијарди динари., пренесува агенцијата „Бета“.
Во јуни е остварен суфицит во износ од 35,7 милијарди динари, а наплатени се приходи во износ од 217,7 милијарди динари. Од нив даночните приходи се 203,8 милијарди динари. Расходната страна на буџетот во јуни изнесуваше 182 милијарди динари, објави Министерството за финансии на Србија.
фото freepic