Финансии / Банкарство
АЗИСКИТЕ БЕРЗИ СО ПРОМЕНЛИВИ ТРГУВАЊА, во САД продолжува неизвесноста!
08.08.2024
На денешното тргување на азиските берзи имаше променливи движења на индексите по падот на референтните вредности на американските акции, додека инвеститорите ги проценуваа информациите кои доаѓаа од Јапонија за вработеноста кои се послаби од очекуваните, како и од Индија, за каматните стапки.
Банката на Индија ги задржа стапките на стабилно ниво на 6,5 отсто во последните девет состаноци. Јапонските индекси Nikkei 225 i Topix се движеа меѓу добивката и загубата со пад од 0,3% односно 0,6%.
Глобалните акции и валути на почетокот на неделата изгубија од својата вредност, откако Банката на Јапонија ги зголеми каматните стапки на највисоко ниво од 2008 година, објави „Сеебиз“.
На вчерашното тргување на Волстрит беше регистриран пад на индексите, притоа Nasdaq „потона“ за повеќе од еден отсто како влијание од корекциите на цените на акциите од технолошките компании, но и поради стравот кај инвеститорите за можната рецесија во САД. Индексот Dow Jones падна за 234.21 бод или 0.6 отсто 38.763 бодови, S&P 500 се намали за 0,77 отсто на 5199 бодови, Nasdaq за 1.05 отсто на 16.195 бодови.
Индексите на почетокот на тргувањето беа во плус, но во попладневните тргувања пазарот го загуби растот. Цената на акциите дополнително се намалија по аукцијата на трезорските записи.
- Има многу причини за загриженост во следните осум недели. Нема да ме изненади по неколку денови на раст да имаме уште една мала распродажба на акции, изјави Петер Туз, претседател на Chase Investment Counsel.
Европските берзи на вчерашното тргување завршија со посилни добивки, втор ден по ред. Лондонскиот FTSE индекс се зголеми за 1.75 отсто на 8166 бодови, DAX за 1,5 отсто на 17.615 бодови, а францускиот CAC за 1,91 отсто на 7266 бодови, објави „Индекс“.
фото freepic