Финансии / Банкарство
НАЈБОГАТИТЕ ХРВАТИ ЧУВААТ 14 МИЛИЈАРДИ ЕВРА, над 1,7 милиони граѓани располагале помалку од илјада евра
08.08.2024
Хрватските граѓани во банките чуваат повеќе од 37 милијарди евра или две третини од вкупните депозити во кредитните институции, покажуваат податоците на Хрватската народна банка.
На крајот на минатата година околу 80 отсто од депозитите биле во вредност помала од 10 илјади евра. Овие штедачи располагале со 11,6 отсто од депозитите или 4,2 милијарди евра од вкупните депозити на физички лица во износ од 36,5 милијарди евра. Само 2,84 отсто од банкарските сметки биле со износи до 100 илјади евра. Овие штедачи располагале со 38,5 отсто од депозитите или вкупно 14 милијарди евра.
Околу 18 отсто од граѓаните на сметките во банките имале влогови од 10 до 100 илјади евра или 90 отсто од вредноста на вкупните депозити на физичките лица, се наведува во анализата на ХНБ.
Депозити поголеми од милион евра имаат 937 граѓани кои располагаат со повеќе од 2,3 милијарди евра. Од 500 илјади евра до еден милион имаат 2.300 депоненти со заштеди од 1,5 милијарди евра.
Над 1,7 милиони граѓани на сметките кон крајот на минатата година имале помалку од илјади евра, а сите заедно располагале со околу 350 милиони евра, објави „Пословни.хр“.
фото freepic