Финансии / Банкарство
СРЕДА Е КЛУЧНА ЗА ТРГУВАЊЕТО НА БЕРЗИТЕ ВО САД, инвеститорите го чекаат клучниот показател за американската економија
13.08.2024
Главните јапонски индекси силно пораснаа во вторникот, како продолжение на растот на акциите по завршувањето на државните празници во Јапонија. Берзите во азискиот регион имаа различно „отворање“ на денешното тргување. Јапонскиот референтен индекс Nikkei 225 порасна за над 3 отсто надминувајќи го нивото од 36.000 за прв пат по 2 август. Берзанскиот раст беше поттикнат од подоброто тргување на акциите од компаниите во технолошкиот и финансиски сектор.
Следната недела јапонскиот парламент планира да одржи посебна седница на која ќе расправа за одлуката на Банката на Јапонија да ја подигне каматната стапка, објави „Ројтерс“.
Јужнокорејскиот Kospi падна за 0,17%, додека Kosdaq изгуби 1,58%. Австралискиот S&P/ASX 200 се искачи за 0,10%. Берзанскиот индекс Hang Seng зајакна за 0,10%, а кинескиот CSI 300 се намали за 0,21%.
Американските брзи се бореа со нестабилното тргување во исчекување на инвеститорите од новите податоци за инфлацијата во САД. Ѕ&P 500 го заврши тргувањето со вредност од 5344,39, додека Nasdaq Composite се искачи за 0,21% и достигна 16780,61. Dow Jones Industrial Average се намали за 140 бодови или за 0,36% достигнувајќи ниво од 39.357,01.
Берзанските трговци ги очекуваат податоците за индексот на цените за јули, што ќе бидат објавени во среда, кој е клучен показател за американската економија. Од нив ќе зависи и идната монетарна политика на Федералните резерви за евентуално намалување на каматите во септември, објави „Сеебиз“.
фото freepic