Финансии / Банкарство
ЈАПОНСКИТЕ АКЦИИ ОСЛАБЕА ПОРАДИ ПОВЛЕКУВАЊЕТО НА ПРЕМИЕРОТ, во пораст тргувањето на Волстрит
14.08.2024
Tргувањето на азиските пазари на хартии од вредност во средата почнаа со мешовит движења на берзанските индекси. Јапонските акции на почетокот покажаа раст, но потоа почнаа да „слабеат“ по веста дека премиерот нема повторно да се кандидира за претседател на владејачката партија.
Јапонскиот референтен индекс Nikkei 225 се намали за 0,1% во утринското тргување на ниво од 36.192,93. Австралискиот S&P/ASX 200 порасна за 0,5% на 7869,40. Јужнокорејскиот Kospi зајакна за 0,7% на 2.640,10. Хонгконшкиот Hang Seng изгуби од вредноста 0,3% и достигна 17.127,65, додека Shanghai Composite падна за 0,4% на 2.857,90.
Јапонската владеачка Либерално-демократска партија го има мнозинството во долниот дом на парламентот, кој го избира и премиерот на Јапонија. Јавната поддршка на премиерот Фуми Кишида се намалува поради скандалот во врска со сомнителни пари, покажуваат анкетите објавени во јапонските медиуми.
На Волстрит, акциите нагло пораснаа вчера бидејќи побавниот од очекуваниот раст на цените на производителите во САД ги поддржа надежите на инвеститорите дека ФЕД наскоро ќе почне да ги намалува каматните стапки. Индексот Dow Jones зајакна за 1,04 отсто, на 39.765 поени, додека S&P 500 порасна за 1,68 отсто, на 5.434 поени, а индексот Nasdaq за 2,43 отсто, на 17.187 поени.
Растот на индексот беше поттикнат од подобри од очекуваните податоци за цените на производителите. Во јули овие цени се зголемени за 0,1 отсто на месечно ниво, додека на годишно ниво се зголемени за 2,2 отсто, значително побавно од 2,7 отсто во јуни.
фото freepic