Финансии / Банкарство
ПАДНА ИНДЕКСОТ НА ВОЛСТРИТ, прекината позитивната низа на берзите
21.08.2024
Индексите на њујошката берза тргување го завршија со минус. Акциите на Волстрит денеска се намалија по добивките, кои ги забележаа на почетокот на неделата, што беше поттикнато од податоците за ниската инфлација и малопродажбата. Инвеститорите се внимателни во вложувањата и ги чекаат обраќањата на челниците на американската централна банка за состојбата на американската економија, објави француската новинска агенција АФП.
Индексот Dow Jones го заврши тргувањето на 40.834,97 поени, што е за 0,15 отсто помалку од тргувањето во понеделникот. Индексот на 500 најголеми американски компании S&P 500 се задржа на вредност од 5597,12 поени, што е пад за 0,20 отсто. Технолошкиот индекс Nasdaq изгуби 0,33 отсто од својата вредност и го заврши тргувањето на 17.816,94 поени.
Тргувањето на азиските берзи , главно се во пад, откако американските референтни индекси S&P500 i Nasdaq Composite, во текот на денот го прекинаа осумдневниот позитивен тренд.
Јапонскиот Nikkei 225 се лизна за 0,24%, а Topix падна за 0,23%. Индексот Hang Seng на берзата во Хонг Конг се намали за 0,93%, додека CSI 300 во континенталната Кина беше послаб за 0,19%, објави „Сеебиз“.
фото freepic