Финансии / Банкарство
СИЛНИОТ ФРАНК ЈА СПАСИ ШВАЈЦАРИЈА, инфлацијата во оваа земја не надмина над 3,5 отсто
21.08.2024
Силната национална валута франкот ја спаси Швајцарија од превисоката инфлација во споредба со САД и земјите од Еврозоната, изјави Томас Џордан, гувернер на Швајцарската народна банка (SNB).
Инфлацијата во Швајцарија со последните години никогаш не надминала над 3,5 отсто, а тоа се должи на поволниот курс на франкот во однос на другите валути, појаснува Џордан.
Во 2022 година стапката на инфлација достигна максимални 9,1 отсто во САД и 10,6 отсто во Еврозоната, пренесува „Блумберг“.
- Ако сакате да се заштитите од увезена инфлација, тогаш франкот мора да расте, вели Џордан.
Швајцарската народна банка во 2022 година престана да купува странски валути. Томас Џордан ќе ја напушти функцијата следниот месец и изјави дека силината на франкот и овозможи на Централната банка пониско да ги подигне каматните стапки од другите развиени земји. Централната банка на Швајцарија ја подигна референтната каматна стапка на 1,75 отсто, пред да почне да ја намалува во март, додека Европската централна банка (ЕЦБ) и Федералните резерви на САД мораа значително повисоко да ги зголемат трошоците за задолжување. Економистите очекуваат Швајцарската народна банка во септември да ги намали каматите за дополнителни 25 базични поени односно на еден отсто, но инвеститорите сметаат дека монетарното попуштање ќе биде уште поголемо, пренесува Б92.
фото freepic