Финансии / Банкарство
ЕВРОТО НАЈСИЛНО ВО ОДНОС НА ДОЛАРОТ, американската валута паѓа втора недела по ред
25.08.2024
На валутните пазари, вредноста на доларот во однос на кошницата валути драстично падна минатата недела, а еврото во однос на доларот достигна највисоко ниво во последните 13 месеци, бидејќи е речиси сигурно дека американската ФЕД ќе ги намали каматните стапки во септември. Падот на индексот на доларот втора недела по ред се должи на уверувањето на инвеститорите дека американската централна банка ќе ги намали клучните каматни стапки на состанокот во септември, првпат по долгогодишно затегнување на монетарната политика.
Курсот на доларот во однос на еврото падна за 1,5 отсто, па цената на еврото достигна 1,1190 долари, а во еден момент првпат по 13 месеци се проби над нивото од 1,12 долари.
Индексот на доларот, кој ја покажува вредноста во однос на шесте најважни светски валути, потона за 1,7 отсто минатата недела на 100,68 поени, најниско ниво во една година.
Американската валута ослабе и во однос на јапонскиот јен, за 2,2 отсто, па нејзиниот курс падна на 144,37 јени.
Инфлацијата во САД се намалува од месец во месец, економскиот раст постепено забавува, а пазарот на трудот, покажаа најновите податоци, не е толку силен како што се мислеше.
Поради ова, речиси е сигурно дека ФЕД следниот месец ќе почне да ја ублажува монетарната политика, објави „Сеебиз“.
фото freepic