Финансии / Банкарство
ПЛАТИТЕ ВО ЕВРОЗОНАТА СО ПОМАЛ РАСТ, ПРЕДУСЛОВ ЗА НАМАЛУВАЊЕ НА КАМАТИТЕ, економистите очекуваат ЕЦБ да ја намали референтната каматна стапка
25.08.2024
Платите по договор во еврозоната во вториот квартал 2024 година се зголемиле за 3,6 отсто во однос на истиот квартал лани. Ова е помал раст на платите од 4,7 отсто во првиот квартал годинава. Податоците за платите, профитот и продуктивноста се клучните фактори за определување на политиката за каматни стапки од Европската централна банка.
Креаторите на политиките на ЕЦБ пред летото најавуваа дека каматните стапки во еврозоната ќе бидат намалени до крајот на годината, но не определија конкретен временски рок. До септемврискиот состанок на ЕЦБ ќе бидат познати дополнителни информации за платите на работниците и за инфлацијата во август и ќе бидат познати и економските проекции за 2025 година.
Економистите во прогнозата за август очекуваат ЕЦБ да ја намали референтната каматна стапка шест пати до крајот на 2025 година. Најавите се секој квартал да се намалува за 25 базични бодови.
Референтната каматна стапка на главните операции за рефинансирање во еврозоната сега изнесува 4,25 отсто, каматната стапка за депозитите е 3,75 отсто, а маргиналната каматна стапка е 4,50 отсто, пренесува „Блиц“.
фото freepic