Финансии / Банкарство
ДОЛАРОТ ЗАЈАКНА ВО ОДНОС НА ЕВРОТО И ЈЕНОТ, позитивни трендови на цените на акциите
30.08.2024
Цените на акциите на азиските берзи денеска пораснаа, а вредноста на доларот зајакна по објавата на податоците дека американската економија расте побрзо од очекуваното. Инвеститорите веруваат дека САД ќе избегне да влезе во зоната на рецесија.
Утрово на берзата во Токио индексот Nikkei зајакна за 0,3 отсто, додека цените на акциите во Австралија, Јужна Кореја, Шангај и Хонг Конг пораснаа од 0,3 до 1,7 отсто.
Инвеститорите на азиските берзи беа охрабрени од стабилноста на Волстрит, по вчерашниот пад на цените на акциите на производителот на чипови Нвидиа.
Индексот Dow Jones се зголеми за 0.59 отсто и достигна ново рекордно ниво, додека S&P 500 се намали за 0,01, a Nasdaq за 0,23 отсто.
Доларот ја зголеми својата вредност во однос на шесте најважни светски валути. Во однос на јапонскиот јен, еден долар се менуваше од вчерашните 144.55 за 144.80 јени. Доларот порасна и во однос на еврото. Европската валута падна на 1,1085 долари, додека вчера се разменуваше за 1,130 долари, пренесе „Индекс“.
фото freepic