Финансии / Банкарство
КЛУЧНА НЕДЕЛА ЗА ФЕДЕРАЛНИТЕ РЕЗЕРВИ, Банката на Канада најави ново намалување на каматната стапка
02.09.2024
Банката на Канада во среда се очекува да донесе нова одлука за намалување на каматните стапки, а ова ќе биде третпат по претходните две намалувања на референтната каматна стапка во јуни на 4,5 отсто. Економистите очекуваат уште две намалувања до крајот на годината.
Канадската економија забележа незначително брз раст во вториот квартал. Прелиминарните податоци покажуваат дека економијата на Канада нема раст во јуни и јули. Гувернерот на канадската централна банка Тиф Маклем најави промена на фокусот на банката заради постигнување на подобри ефекти во економијата, наместо намалување на инфлацијата.
Инвеститорите на американските берзи неделава ќе го насочат вниманието на августовскиот извештај во САД, кој ќе биде објавен во петок. Овој извештај може да понуди важни сигнали за тоа колку Федералните резреви ќе ги намалат каматните стапки.
Претседателот на ФЕД Џером Пауел најави намалување на каматите, а очекувањата се дека процесот на намалување ќе почне од 25 базични бодови по одржувањето на состанокот што ќе се одржи на 17 и 18 септември.
Евентуално послабите сигнали за слабеење на пазарот на трудот во САД можат да ги засилат стравувањата од рецесија, што предизвика нестабилност на пазарите кон крајот на јули и почетокот на август.
До петок ќе бидат објавени и други важни податоци, вклучително и извештајот за отворените работни места, како и податоците за вработување во приватниот сектор и новиот извештај за новите пријави за невработени лица, пренесе „Бизнис.рс“.
фото freepic