Финансии / Банкарство
БАНКИТЕ ВО ХРВАТСКА СО ВИСОКИ ПРОФИТИ НАД 800 МИЛИОНИ ЕВРА, банките во Загреб со највисок раст на профитни стапки
02.09.2024
Банките во Хрватска во првата половина на годината работеа со високи профити кои достигнаа 806,8 милиони евра. Ова е за 102,9 милиони еввра или зa 14,6 отсто повеќе во однос на истиот период лани, покажуваат најновите податоци на Хрватската народна банка (ХНБ).
Според привремените неревидирани податоци што централната банка ги објави, врз основа на податоците кои ги доставиле кредитните институции, добивка оствариле сите 20 банки во Хрватска.
Најголема добивка во првите шест месеци во 2024 година оствари Загребска банка со 257,1 милион евра, што е за 39,8 милиони евра или за 18,3 отсто повеќе во истиот период лани.
Привредна банка Загреб (ПБЗ) во првото полугодие годинава работеше со добивка од 186,9 милиони евра, што е раст на годишно ниво од 19,8 отсто или за 30,9 милиони повеќе од лани, пренесува „Пословни.хр“.
фото freepic