Финансии / Банкарство
АЗИСКИТЕ БЕРЗИ СО ПАД НА ПОЧЕТОКОТ НА НЕДЕЛНОТО ТРГУВАЊЕ, воздржаност на инвеститорите поради економските податоци од Кина
02.09.2024
Берзите во Азија тргувањето на почетокот на неделата го почнаа со пад поради слабите податоци за кинеската економија, но и очекувањата од информациите кои треба да бидат објавени неделава во САД.
Кина ги објави своите службени податоци за индексот на менаџерите за набавки за август. Индексот ПМИ за производство се намали на шестмесечното најниско ниво од 49,1.
Важни податоци кои ги очекуваат берзанските инвеститори се висината за инфлацијата во Јужна Кореја, за растот на БДП во Австралија во второто тромесечие годинава, како и за платите и домашната потрошувачка во Јапонија.
Индексот на берзата во Хонг Конг Hang Seng падна за 1,8%, додека CSI300 се лизна за 1,2%, поради падот на вредноста на акциите на кинеските компании за недвижности. Имено, Кина размислува на сопствениците на куќи да им ги рефинансира хипотекарните кредити, пренесува „Сеебиз“.
фото freepic