Финансии / Банкарство
НАЈЛОША БЕРЗАНСКА НЕДЕЛА, СЕ ВРАЌА СТРАВОТ ОД РЕЦЕСИЈА, најмногу изгубија акциите на производителите на чипови за вештачка интелегенција
07.09.2024
Индексот S&P 500 падна во петокот, остварувајќи ја својата најлоша недела од март 2023 година, бидејќи инвеститорите ги одмеруваа последиците од слабиот извештај за работни места во август и ги отфрлија водечките технолошки акции. Широкиот индекс се намали за 1,73% на 5408,42, додека Nasdaq Composite се лизна за 2,55% на 16690,83. Технолошкиот индекс го заврши тргувањето со минус 10 %, а Dow Jones Industrial Average се намали за 410,34 бодови или за 1,01%, и заврши на 40.345,41.
Најновите податоци за работните места во САД ги засилија стравот кај инвеститорите поради забавување на пазарот на трудот, објави „Сеебиз“.
Во август се отворени 142.000 нови работни места, што е помалку за 160 илјади во однос на предвидувањата на економистите. Американската економија отвори помалку 86.000 работни места во јуни и јули од првобитно прикажаните податоци, што е сериозен знак за слабоста на пазарот на труд во САД.
Dow Jones ја заврши неделата со пад од 3 отсто, а референтниот S&P падна за 4%, a Nasdak забележа загуба од 6%.
Ова се најголеми неделни падови на овие два индекса од март 2023 година.
Акциите кои се сметаат за најчуствителни на можната рецесија беа најголеми губитници оваа недела. Така, хартиите од вредност на високотехнолошките копмании доживеаја четврта најлоша недела во последните 20 години. Некои од овие компании се поврзани со технологиите за вештачка интелегенција, а главните производители на чипови за вештачка интелегенција изгубија 15 отсто од својата вредност, пренесува „Форбс.рс“.
фото freepic