Финансии / Банкарство
АМЕРИКАНСКАТА ВАЛУТА ПРЕД НОВ ПРИТИСОК, доларот минатата недела забележа пад во однос на кошничката валути
08.09.2024
Вредноста на доларот во однос на кошничката на валути минатата недела забележа пад, а американската валута ја очекува нов притисок, поради се поголемата извесност дека централната банка на САД ќе ја намали каматната стапка.
Индексот на доларот, која ја изразува неговата вредност во однос на шест најважни светски валути, минатата недела ослабна за 0,5 отсто, на 101,19 бодови.
Курсот на доларот кон еврото се намали за 0,3 отсто, и европската валута се разменуваше за 1,1085 долар. Американската валута ослабна и кон јапонскиот јен за 2,6 отсто, а доларот се разменуваше за 142,30 јени . Сите податоци покажуваат дека инфлацијата во САД слабее, како и пазарот на трудот, а економскиот раст забавува. Поради тоа на ФЕД и се остава просторт за намалување на каматната стапка. Повеќето аналитичари очекуваат на следната седница на централната банка на САД да се намали каматната стапка за 0,25 процентни бодови, но некои се надеваат на посилно намалување од 0,50 процентни бодови.
Јапонскиот јен дополнително порасна поради зголемената инфлација во земјата и можноста на централната банка дополнително да ја заостри монетарната политика.
Европската централна банка најави намалување на каматните стапки, по намалувањето на инфлацијата во ервозоната, но европската економија споро расте, што и е потребно релаксирање на монетарната политика, пренесува „Сеебиз“.
фото freepic