Финансии / Банкарство
ГРАЃАНИТЕ ВО ХРВАТСКА СЕ ПОВЕЌЕ ЗАДОЛЖЕНИ ОД ФИРМИТЕ, во август во Хрватска над 200 илјади граѓани со блокирани сметки
12.09.2024
На крајот на август со блокирани банкарски сметки се 200.238 хрватски граѓани, со вкупен долг на главницата од 2,83 милијарди евра. Со блокирани сметки биле и 12,9 илјади деловни субјекти, со главен долг од 690,4 милиони евра, покажуваат податоците на Финансиската агенција ФИНА.
Во август бројот на граѓаните со блокирани сметки е намален за 0,7 отсто во однос на претходниот месец или за 7,8 отсто од минатата година. Меѓутоа, висината на главниот долг на граѓаните е зголемен 3,5 отсто во однос на јули и за 17,1 отсто споредено со август 2023 година.
Кога на главниот долг од 2,83 милијарди евра се додадат и трошоците за каматата во висина од 1,04 милијарди евра вкупниот долг на граѓаните со бликирани сметки кон крајот на август изнесува 3,87 милијарди евра.
Бројот на блокирани сметки на стопански субјекти е намален за 4,7 отсто во однос на претходниот месец или за 6,3 отсто помалку во однос на август минатата година, објави Н1.
фото freepic